اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2015 جىلدىڭ ءساۋىر – ماۋسىمىندا جانە قازان – جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى
«اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسىنىڭ زاڭىنا سايكەس قاۋلى ەتەمىن:
- اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەر 2015 جىلدىڭ ءساۋىر – ماۋسىمىندا جانە قازان – جەلتوقسانىندا قازاقستان رەسپۋبليكاسى قارۋلى كۇشتەرى, قازاقستان رەسپۋبليكاسى ىشكى ىستەر مينيسترلىگى, قازاقستان رەسپۋبليكاسى ۇلتتىق قاۋىپسىزدىك كوميتەتى, قازاقستان رەسپۋبليكاسى مەملەكەتتىك كۇزەت قىزمەتى قاتارىنان زاپاسقا شىعارىلسىن.
- اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق ون سەگىز جاستان جيىرما جەتى جاسقا دەيىنگى ەر ازاماتتار, سونداي-اق وقۋ ورىندارىنان شىعارىلعان, جيىرما جەتى جاسقا تولماعان جانە اسكەرگە شاقىرۋ بويىنشا اسكەري قىزمەتتىڭ بەلگىلەنگەن مەرزىمدەرىن وتكەرمەگەن ازاماتتار 2015 جىلدىڭ ءساۋىر – ماۋسىمىندا جانە قازان – جەلتوقسانىندا قازاقستان رەسپۋبليكاسى قارۋلى كۇشتەرىنە, قازاقستان رەسپۋبليكاسى ىشكى ىستەر مينيسترلىگىنە, قازاقستان رەسپۋبليكاسى ۇلتتىق قاۋىپسىزدىك كوميتەتىنە, قازاقستان رەسپۋبليكاسى مەملەكەتتىك كۇزەت قىزمەتىنە مەرزىمدى اسكەري قىزمەتكە شاقىرىلسىن.
- جەرگىلىكتى اتقارۋشى ورگاندار ءتيىستى جەرگىلىكتى اسكەري باسقارۋ ورگاندارى ارقىلى 2015 جىلدىڭ ءساۋىر – ماۋسىمىندا جانە قازان – جەلتوقسانىندا ازاماتتاردى مەرزىمدى اسكەري قىزمەتكە شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن.
- قازاقستان رەسپۋبليكاسىنىڭ ۇكىمەتى, قازاقستان رەسپۋبليكاسى ۇلتتىق قاۋىپسىزدىك كوميتەتى, قازاقستان رەسپۋبليكاسى مەملەكەتتىك كۇزەت قىزمەتى مەرزىمدى اسكەري قىزمەتتى وتكەرۋ ءۇشىن قازاقستان رەسپۋبليكاسى قارۋلى كۇشتەرىنە, قازاقستان رەسپۋبليكاسى ىشكى ىستەر مينيسترلىگىنە, قازاقستان رەسپۋبليكاسى ۇلتتىق قاۋىپسىزدىك كوميتەتىنە, قازاقستان رەسپۋبليكاسى مەملەكەتتىك كۇزەت قىزمەتىنە اسكەرگە شاقىرىلعان قازاقستان رەسپۋبليكاسىنىڭ ازاماتتارىن جونەلتۋدى جانە مەرزىمدى اسكەري قىزمەتتىڭ بەلگىلەنگەن مەرزىمدەرىن وتكەرگەن اسكەري قىزمەتشىلەردى بوساتۋدى قارجىلاي جانە ماتەريالدىق قامتاماسىز ەتۋدى ۇيىمداستىرسىن.
- وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
